Dennis, namangha sa kultura ng Maranaw

SALUDO si Kapuso Drama King Dennis Trillo sa kanyang karakter sa upcoming GMA series na Legal Wives.

Iikot ang kuwento ng Legal Wives kay Ishmael (Dennis), isang Muslim mula sa lahi ng mga Maranaw na iibig at mapapangasawa ang tatlong babae, sina Amirah (Alice Dixson), Diane (Andrea Torres), at Farrah (Bianca Umali).

Hindi mapigilan ni Dennis na mamangha sa kultura ng mga Maranaw na kanilang ibibida sa bagong teleserye. “Parang nabigla ako noong umpisa pero nang nabasa ko naman ‘yung script… ang ganda ng ginawa nila rito. Mai-in love ka sa bawat character, mai-in love ka roon sa kultura.”

Naiiba rin ang paninindigan ng kanyang karakter. “Siya ‘yung tao na iidolohin mo dahil iba ‘yung paninindigan niya. Iba siya magmahal. Bawat tao sa paligid niya kaya niyang pakitunguhan kaya rin siguro nabigyan siya ng pagkakataon na magkaroon ng tatlong iibigin dito sa kuwento dahil mapagmahal siyang tao.”

Kasama rin sa powerhouse cast ng Legal Wives ang beteranang aktres na si Cherie Gil, Shayne Sava, at Adbul Raman, Bernard Palanca, Kevin Santos, Maricar De Mesa, Juan Rodrigo, at Irma Adlawan.

COOL JOE!
ni Joe Barrameda